Larunbatean 18 etan, ALDIRI ARENA-n

Datorren larunbatean 18:00etatik aurrera, GOIERRI VERKOL taldeak aurrez aurre izango du Cafés Aitona-Askatuak gaur egungo liderra eta etxekoekin puntuetara berdinduta dagoena. Garaitu ezkero, lidergoa lortzeaz gain denboraldi hasieran ezarririko helburua, hau da, MAILARI EUSTEA, pixka bat gehiago gerturatuko litzateke.

Cáfes Aitonak 5 partida daramatza jarraian irabaziak eta liga osotik punturik gutxien jasotzen dituen taldea da. Goierri berriz punturik gehien sartzen dituen taldea da, bi partida daramatza jarraian irabaziak baina aurtengo denboraldian ez du hiru garaipen jarraian lortzerik izan. Pizgarri bat gehiago partida interesgarri honi begira.

Bi taldeek arras ezagutzen dute elkar eta berez ustekabeko gutxi suertatu beharko lirateke. Zalegoarentzat deialdi berri bat, non inongo zalantzarik gabe txit ongi pasatuko duen basket partida handi honekin. Zatoz zure taldea animatzera! LARUNBATA 18:00eta ALDIRI ARENAN!!

Aupa GOIERRI!!!!