Nuestras cadetes caen en el Aldiri Arena.

Errendimenduko kadete nesken taldeak, Bera Bera Manteoren aurka jokatu zuen igande goizean Aldiri Arenan.

Partidua, sailkapena ikusita, oso parekatua izango zela pentsa zitekeen baina etxeko taldea lo atera zen partidura eta batez ere erasoan egindako hutsek laurden amaierara 1-12 ko emaitzarekin iristea eragin zuten. 2. laurdenean Goierriko neskak, buru gehiagorekin jokatu zuten defentsaren intentsitatea igoz, kontraerasoak eginez eta faltak behartuz. Zoritxarrez, etxeko taldeak ez zituen jaurtiketa libreak aprobetxatu ( 8/0 laurden honetan ) eta atsedenaldira 9-20ko emaitzarekin joan ziren.

3. laurdenean berriz, Goierriko neskek azken partidetako saskibaloi onena jokatu zuten, defentsan presionatuz baloiak errez lapurtzen hasi ziren eta kanpoko entrenatzaileak hutsartea eskatu behar izan zuen 12-4ko partziala jaso eta gero. Laurden amaierara 23-27 ko emaitzarekin iritsi zen. Azken laurdenean etxeko neskek borrokatzen jarraitu zuten baina Bera Berakoek asmatu egin zuten aldea mantentzen eta etxeko taldeak errebotean emandako erraztasunei esker partidua 37-47 bukatu zen.

Lehen laurdenak eragin handia eduki zuen partiduan baina orain, bi asteko deskantsua daukagu gogor entrenatu eta hurrengo partiduan hobetzen jarraitzeko.