Pazientzia handiarekin lorturiko garaipena.

Lan bikaina egin zuten pasa den larunbatean URRESPORT GOIERRI taldeko mutilek. Liderraren etxean 2 puntu gatik gailendu ziren. Tolosako taldeak ibilbide paregabea zeraman partidarik galdu gabe, baina gure mutilek defentsan oinarrituriko garaipen garrantzitsua lortu zuten Tolosarren kontura.

Lehen zatian Take-k eraman zuen aginte makila, haien defentsa itogarriak gure taldearen ekarpena asko urritu zuen. Urrespot- eko mutilak ez ziren gai izan lehen zati hontan haien defentsaren irakurketa egoki bat egiteko, eta hau kontutan izanik atsedenera -6 ko markagailuarekin joan ziren.
Bigarren zatian, Tolosarrak haien partiduarekin aurrera jarraitu nahi zuten, baina gure mutilek ez zituzten besoak jetsi, eta defentsako lan onari esker, eta momento garrantzisuetan izandako buru hotzagatik(4/6 jaurtiketa libreetan) azken minutuan bi puntu goitik zen Goierri Urresport. Hala ere, azkeneko 20 segunduetan eginiko defentsa lan paregabeak, txapel ikusgarri bat medio, eskeini zien garaipena etxeko mutilei.