Goierri Oxykor
.jpg)
ZAST……………………. 42 GOIERRI OXYKOR ……35
Pasa den larunbatean kadete neskek sekulako partida jokatu zuten etxetik kanpo,
Zarautzen, baina ez zen garaipena lortzeko nahikoa izan. Goizeko 11:15etan hasi zen
asteburuko topaketa, eta ez zen alferrik izan neskek egindako ahalegina.
Partidari dagokionez, oso parekatua egon zen uneoro, bigarren laurdenean izan ezik. Hori
izan zen partida benetan nabarmendu zuen laurdena, 14-4 partzialarekin. Horrela, partida
26-17 markagailuarekin iritsi zen atsedenera.
Hala ere, goierriko neskek ez zuten etsi, eta hirugarren laurdenean markagailuari buelta
emateko helburuarekin defentsa gogorra eta kontraeraso oso onak egin zituzten. Laugarren
laurdenean dikamika berdinarekin jarraitu zuen partidak: zarauztarrek markagailuari sendo
eutsi zioten, eta urretxuarrek dena eman zuten partidari buelta emateko, baina alfereik izan
zen. Azkenean, Zarauzko partida 42-35 geratu zen, etxekoen alde.
Garrantzitsua da taldeak izan zuen jarrera paregabea aipatzea, uneoro kontzentrazioarekin
jokatuz eta kantxan dena emanez, eta nabarmentzekoa orain arte egindako lan eta
hobekuntza. Orain hurrengo partidei begira, disfrutatzea eta borrokatzea besterik ez da falta!
.jpg)
