Larunbatean Tolosako taldearen kontra galdu egin zuen Goierri Verkolek (71-86). Zortzi hilabetetan Goierrik etxean galtzen duen lehenengo partida izan da larunbatekoa. Tolosako taldeak hasiera batetik Goierrik baino gehiago jokatu zuen. Urretxukoek defentsa ona egin zuten arren eta lehenengo hiru laurdenetan borrokan arituta ere, baloia ez zuten nahi bezainbestetan saskiratu. Xabier Txiko entrenatzailearen arabera «taldea esnarazi beharko dugu, izan ere bi aldiz galdu izanak sailkapenaren erdian utzi gaitu eta».

.