Goierriren egoitzan, Aldirin edo ikastetxeetan eman behar dute izena interesatuek

Aurtengo ikasturtean ere, Goierri Kirol Elkarteko saskibaloi sailak, Udalaren laguntzaz, eskola abian jarriko du.
Bertan parte hartzeko ez da ezer ordaindu behar. Saskibaloia gustuko duten eta giro atseginean jokatzeko gogoa duten guztiek parte har dezakete. Baldintza bakarra, 1994, 1995 edo 1996an jaiotakoa izatea da. Eskolak Aldiri kiroldegian izango dira, igandeetan, 9.30etik 11.00etara. Lehen saioa azaroaren 5an izango da. Ekimen honetan parte hartzeko asmoa dutenek, Goierri Kirol Elkartearen egoitzan, Aldiri kiroldegian edo ikastetxean eman dezakete izena.