Nahiz eta hobekuntza nabarmena eman, GOIERRI, K.E. Neskak 23-57 galdu dute BKL-ren aurka. Lesioak direla eta 6 lagunek bakarrik aurre egin behar izan zioten BKL taldeari.

Orain arteko Goierriko nesken partidurik hoberena izan da gaurkoa, gainera sei jokalarirekin iraun dutelarik partido guztia. Etxekoen hasiera bikaina izan da, defentsa gogor batekin BKL taldearia ondo eutsiz, lehen zatia 12-22 bukatu dutelarik. Aldaketa bakarrarekin, nekea jokalariengan nabarmentzen joan da eta horrek bigarren zatian eragina izan du, kanpoko taldea egoeraz baliatuz 11-35 lortu baitu. Aipatzekoak dira taldearen lan ona defentsan, Itsasoren 13 eta Idoiaren 7 puntuekin batera taldearen animoak mantendu dituztelarik. Horrez gain, jaurtiketa askeko marratik nahiko eraginkorra izan da etxeko taldea, oraindik ere errebotean arazoak baldin baditu ere.

Honek guztiak adierazten digu nesken ikasteko nahia nabarmena dela, partidutik partidura hobetzen doazelarik.