Kronikak !!!

Aluminios Aleman Goierri taldeak, junior Neskak, igandean, Aldiri Arenan, 2. bueltako lehenengo partiduan, 60-30 irabazi zieten Bera Bera Anoetako neskei. Partidu serioa Goierrikoak egindakoa. Lehengo segundutik oso konzentratuak atera ziren Urretxu-Zumarragakoak eta Donostiarrei aukerarik ez zieten eman. Jarrera oso ona eta lan polita bai defentsan eta bai atarean.

Aluminios Aleman Goierri 60 (13+17+16+14)

Bera Bera Anoeta 30 (10+5+5+10)

2. urteko kadete neskak, Hierros Mavi Goierri taldeak ere, igandean, Aldiri Arenan, asko landutako garaipena lortu zuten Aldapetaren aurka. Hasieran lortutako 3 puntutako abantaila bukaerararte mantentzea lortu zuten emozioz beteriko partidu batean.

Azkenean Hierros Mavi Goierri 39 Aldapeta 33.

1. urteko kadete neskek, Goierri taldekoek, CD Internacional –B-ren aurka garaipena lortu zuten Donostian, 17-45. Defentsan egindako lan finak eta aurrera juteko gogoak garaipena eman zien.

Lazti-UZ Goierri taldeak, infantil neskak, 24-15 galdu egin zuten Axular Lizeoaren kantxan. Gaizki hasi, erdi lo, eta gero ezin izan zioten buelta eman. Animo neskak!!!

Bestalde datorren asteburu hontan 2. urteko Alebinen liga martxan jartzen da. Igandean, Aldirin, 10:45tan, mutilen bi taldeek jokatzen dute Goierri Saskibaloi Eskola I eta II-k Jordi Sonido ISB (Azkoitia-Azpeitia) eta Ordizia Eskola –A-ren aurka. Goierri Saskibaloi Eskolako neskak Donostian hasten dira Easoren aurka. Zorte ona opa diegu guztiei!!!