Denboraldi "ofizialari" bukaera emanez !!

Pasa zen larunbat hontan Goierri, K.E.-ko saskibaloi sekzioak bere festa ospatu zuen. Larunbat goizean 4 taldek, kadete mutilak eta infantil, kadete eta junior neskek, adiskidetasun partiduak jokatu zituzten Andraitzen aurka. Bi irabazi eta bi galdu egin ziran.

Arratsaldean Gotzon Aranburuk, sekzioko argazkia atera zuen Gernikako Arbola enparantzan. Bederatziak aldera, sekzioa osatzen duten gehienek, 180 pertsonek, afaria eduki zuten Ederrena pilotalekuan. Ederki afaldu eta dantzaldia eta zozketak egon ziren, dena giro ederrean ospatu zelarik.

Saskibaloi sekzioak datozen asteetan, talde batzu adiskidetasun partidu batzu jokatu behar dituzte. Ekainak 13an Saskibaloi Eskolako partaideak, mutilen 2 taldek eta nesken talde batek, Zarautzen aurka jokatu behar dute eta ekainak 19 eta 20an IX. 3x3 San Juan Txapelketa ospatu behar da Gernikako Arbola enparantzan. Izen-ematea zabalik dago. Bukatzeko, ekainak 25ean, Labeaga Aretoan, datorren denboraldirako bilera ospatuko da.