AYMA-Goierrik garaipen garrantzitsua poltsikoratzen du UGLEn, 46-25.

Lehenengo fasea bukatzear delarik eta jokatutako azken partidutik hilabete oso bat pasa eta gero, abenduan Diputazioak suspenditutako jaurdunaldiari zegokion partida jokatu zuen asteazken honetan AYMA-Goierrik. Bide Bide TAKE talde Tolosarra jaso genuen UGLEn eta garaipena beste behin Goierriren alde erori zen, 46-25. Etxeko partidu guztiak irabazi dituzte orain arte gure gazteek, edozein kirol eta kategorian jokatuta ere zaila suertatzen dena.

Partidua hotz hasi zuten etxekoek, baina kanpotarrak ere ez zeuden batere girotuta (berandu agertu zen talde Tolosarra, berotzeko astirik gabe kasik). Akatsak bata bestearen atzetik elkartrukatu zituzten bi taldeek, baina Goierritarrek saskiratze errez ugari erratu zituzten arren, bat edo beste sartzeko gai izan ziren, 15-3 emaitza engainagarri batekin iritsiz lehen laurdenaren amaierara. Aipatzekoa etxekoek 10 jaurtiketa libretik 2 bakarrik sartu zituztela lehen 10 minutu hauetan, 8 puntu zakarretara.

Bigarrengo laurdenean bi taldeek aurrera pausu bat eman zuten erasoari begira, askoz ere joku fluidogoa ikusi zen kantxan eta azken aldian faltan somatzen genuen alaitasun bat agertu zen etxekoen jokoan, tarteka izan bazen ere. 34-15 iritsi zen partida atsedenaldira. Aipatzekoa laurden honetan Telmo Igartua infantilak izan zuen debuta, bere txikitasunean handi agertu zen mutila, ZORIONAK!!

Hurrengo 20 minutuak ahazteko modukoak izan ziren, etxekoek asteburu honetan duten partida gogorrean, egun hauetan dituzten azkertetan edota beste genero batetako "faktore externoetan" zuten burua eta aurrez ikusitako alaitasuna ez zen gehiago agertu, amaiera goibel bat eman genion partidari, zoritxarrez. Hala ere alderdi positiboak azpimarratu beharrean gaude (defentsa, intentsitatea, piboteen ekarpen ofentsiboa...) eta negatiboak aztertu eta konpondu entrenamenduetan.

2 partida gelditzen dira lehen fase hau amaitzeko, igande honetan porrota ezagutzen ez duen EPI Kristaldegia ISB talde Azpeitiarra izango dugu bixitari Aldiri Arenan 12:15tan hasita, eta Zarautzen joan den asteburuan jokatu beharreko partida bakarrik faltako da gure mutilek igoera fasea jokatuko duten ala ez jakiteko.

Animo ekipo!!!!!