.

Gure “txikientzat” etxetik kanpo lehen partidoa eta urduritasun-puntu horrekin Donostira joan ginen Bera Bera Txiki Gros en aurka jokatzeko, hauek ere ligako bere lehen partidoa irabazia zutela.

Borroka gogorra lehen minututik baloi guztiengatik, eta hasieratik ikusi zen partidoa ez zela erraza izango; horrela erakutsi zuten hiru lehen denboren partzialek , 8-12, 7-8 eta 2-6 gure alde, baina markagailuan aldentzea ez zutela lortzen.

Atsedenean kontzeptu batzuk finkatzea eta ikusitako alderdirik ahulenak lantzea izan zen helburu nagusia hau da, galdutako baloiak eta babeserako errebotetan hobetzea.

Donostiarrek ez zuten inongo momentuan partidua galdutzat eman, atsedenetik indartsu bueltatu ziren eta hurrengo bi denboratan 8-4 eta 12-0ekin aurrea hartu zuten, 37-30eko tanteoa lortuz azkeneko denboraren aurretik .

Garbi dago neska hauek oso borrokalariak direla eta honetan aritu ziren azkeneko denboran, 3-16ko partziala eginez eta honekin buelta ematen markagailuari.. Azkenean 40-46 bukatu zuten. Zorionak bi taldeei partiduan jarritako gogoagatik eta orain, ikasten jarraitu….