.

Partido ona gure “neskatilak” Bera Bera Txiki Amara-ren aurka jokatutakoa. Lehenengo bi zatitan oso berdintsu ibili ziren. Bai defentsan eta bai erasoan oso nahasiak ibili ziren gureak eta Bera Berakoek zenbait baloi lapurtzeko aprobetxatu zuten. Lehen denbora 6-4 bukatu zen eta hirugarrenera 10era berdinketarekin iritsi ginen.

Hirugarren zatitik aurrera hasi zen Goierri lan ona egiten, defentsan gogor, eta kanpoko jaurtiketan trebetasuna erakutsiz (nagusiko beste zenbait taldeek nahiko luketena), 23-15en jartzen zutelarik markagailua.

Laugarren eta bostgarren zatitan bide honetatik jarraituz, kontraeraso politak egin zituzten gure neskatilek eta partidoa erabakita utzi, 43-20 lortuz azkeneko denboraren aurretik.

Azkeneko partzialan donostiarrak gogor aritu ziren eta nahiz eta 9-10 irabazi, partidoa Goierriren alde bukatu zen 52-30.

Orain datozen bi astetan lana egiten jarraitu behar dute, Hondarribira joan aurretik, partidu zaileenak orain hasiko baitira.