.

Gure jarraitzaile sutsuei eta kantxaratutako lan grinari esker lorturiko berebiziko garaipena.Lehen postuan berdindurik zetozten bi taldeak norgehiagokara, bi taldeek zekiten ze nolako garrantzia zuen garaipenak, saria handia bait zen, bakarkako lidertza.

Goierriko mutilak partidara bero bero sartu ziren, nahiz eta taldeko 3 jokalari justu xamar iritsi ziren partidara EGA zela medio. Kantxaratze sutsu honek eman zigun lasaitasun nahikoa partida osoan zehar joko ona erakusteko eta momenturo aukerarik onena bilatzeko.

Bigarren laurdenean partiduak hildo beretik jarraitu zuen, gure jokalarien erreboteko nagusitasun ikaragarriarekin eta korrika egiteko aukera politak aurkituz. Benetan ikusgarria izan zen lehen bi laurdenetan eginiko erasoko lana. Honi gradako berotasuna gehituta nahasketa bikaina partida poltsikoan sartzen hasteko.

Atsedenetik itzultzean Ugle Goierri-ren 3ko jaurtiketa jaialdia iritsi zen, 4 jokalari %50 gorako portzentaiekin 6,25 marratik. Jokalariak eta armailetako jarraitzaileak gozatzeko aukera izan zuten pasa den larunbatean Aieten.

Azken laurdenean iritsi zen partidako berri txarra, taldeko kide den Xabier Azkaratek lesio bat jasan zuen bertako itukin baten ondorioz, taldekideek azkar erakutsi zioten aien laguntzeko jarrera, espero dugu lehen bait lehen izatea taldeko dinamikan sartua.

Amaitzeko aipamen berezi bat BELAINO TALDEARI haien lan bikainagatik armailetan soinu eta kolorez beteriko ikuskizun paregabea ematen bait dute jardunaldiak joan, eta jardunaldiuak etorri.

Eskerrikasko denori, eta aupa Goierri!