Goierri Verkol saskibaloi taldeak beste garaipen bat lortu du asteburuan Atletico San Sebastian taldearen kontra (88-71). Autonomikoko Liga bukatzeko hamar partida gelditzen direnean sailkapeneko buru jarraitzen du Goierrik. Larunbateko Aldiriko partidan ez ziren oso eroso ibili bi taldeak. Erasoan ez ziren finegi ibili hasieran, ezta saskiratzeetan ere. Goierrik baloi ugari galtzen zituen arren aldea atera zion Donostiako taldeari. Urretxuarrek, hala, markagailuko abantaila gero eta gehiago zabaldu zuten, garaipena lortuz.

.